Ver el código de «Política de privacidad/eu»

__NOTOC__
<languages></languages>
Tratatzen ditugun datu pertsonalen izaera pribatuaz eta erabilera zuzena egiteaz arduratzen gara. Datu horiek zelan tratatu genitzakeen deskribitzen du politika honek, bai eta erabiltzaileak webgune honetan eta, hala dagokionean, haren azpidomeinu guztietan biltzen diren bere datu pertsonalen gainean zer eskubide dituen ere.

== Jurisdikzioa eta eskumena ==

Baldintza hauek interpretatzean, eta webgune honetako zerbitzuekin zerikusia daukan edozein gaitan gatazka edo liskarren bat sortzen bada, jurisdikzio eta araudi aplikagarria Espainiakoa izango da, eta eskumena daukaten auzitegiak Gasteizkoak izango dira.

== Zure baimena ==

Mesedez, irakurri arretaz politika hau, eta ziurtatu ulertzen duzula, eta ados zaudela, gure zerbitzuetan sartu edo horiek erabili aurretik, edota zure datu pertsonalak eman aurretik. Eta, politika horrekin ados ez bazaude, ez erabili webgune hau, ez eta haren zerbitzuak ere, eta ez eman zure daturik. Webgune honetan sartzea, bertako zerbitzuak erabiltzea edo zure datuak ematea segituan adierazten diren helburuetarako zure datuak tratatzeko baimena ematen duzula adierazten duen ekintzatzat hartuko dugu.

== Nor da zure datuen tratamentuaren arduraduna? ==

LABAYRU FUNDAZIOA<br/>
IFZ: R4800525J<br/>
COLON DE LARREATEGI KALEA 14, 2. ESK.<br/>
48001<br/>
BILBO, BIZKAIA

== Zelan lortu ditugu zure datuak? ==

Gure bezero bazara, zeuk eman dizkiguzu off-line, gure zerbitzuak eskatzean, zurekin daukagun kontratuaren hartu-emanari eusteko.

Datuak webgune honen bidez eman badizkiguzu, informazioa biltzen dugu, esate baterako, gunean sartzen zarenean, datu pertsonalak ematea eskatzen duen inprimaki bat betetzen duzunean, informazioa edo edukiak kargatzen dituzunean, edota gurekin zuzenean hartu-emanetan jartzean.

Erabilera horiek edota horrekin lotutako informazioa tratatu eta erregistratu genitzake, bai modu solte baten eta bai hirugarrenen zerbitzuen laguntzaz, bai eta cookieak erabiliz (gura baduzu, hemen klik eginez, nabigatzaileetako cookieen konfigurazioaz informazio gehiago lortu dezakezu) eta jarraipenerako beste teknologia batzuk erabiliz ere.

Zure borondatez zure datu pertsonalak ematen dituzunean, informazio hori emateko gaituta zaudela bermatzen duzu, eta informazioa benetakoa, egiazkoa, zehatza eta eguneratua dela, ez dela konfidentziala, eta ez duela kontratupeko murrizketarik hausten, ez eta hirugarrenen eskubiderik ere.

Zure datuak zuzen eta eguneratuta edukitzeko erantzukizuna daukazu, eta, horrela egingo ez bazenu, LABAYRU FUNDAZIOAK ez luke ezelango erantzukizunik edukiko.

== Hirugarrenen datuak ==

Beste pertsona batzuen datuei dagokienez, horien pribatutasuna errespetatu behar duzu, eta arreta handia jarri behar duzu euren datu pertsonalak argitaratzeko orduan. Gogorarazi gura dizugu, erabiltzaile moduan, zure datu pertsonalen tratamenturako baimena eman zenezakela bakarrik, baina ez hirugarrenei dagokiena, eta hirugarrenen datuak ematea izaera pertsonaleko datuak uztea dela.

Hirugarrenen datu pertsonalak ematen badituzu, zure erantzukizuna da aurretiaz pertsona horien berariazko baimena lortzea datuok erabiltzeko eta jakinarazteko, eta zeurea da bere datuak gure fitxategietan sartu direla jakinarazteko ardura.

Hirugarrenen datuak haren baimen gabe argitaratzeak, datuen babeserako araudia haustea ezezik, hirugarren horren ohorerako eskubidea, intimitaterako eskubidea edo norberaren irudirako eskubidea haustea adierazi dezake, eta maiatzaren 5eko 1/1982 Lege Organikoak, ohorerako, norberaren eta familiaren intimitaterako eta norberaren irudirako eskubideen babes zibilari buruzkoak, arautzen dituzte eskubide horiek.

== Zer helbururekin tratatzen ditugu zure datuak? ==

Hainbat helburu izan ditzake tratamenduak, esate baterako:

# Gaur egun gure bezero bazara edo bezero potentziala bazara, zure enkarguak kudeatzeko, eskatutako zerbitzuak emateko (eta, irakaskuntzaren esparruan, eskolak emateko, itzulpenak egiteko, euskarari buruzko ikerketa-jardueretarako eta dibulgaziorako…).
# Zurekin dauzkagun harremanei eusteko eta zurekin komunikatzeko, eta kontratu bidezko harremana edo harreman komertziala kudeatzeko, barruan hartuta salmenta osteko zerbitzuak eta bermea, zerbitzuen kudeaketa eta fakturazioa, edota eskatutako produktuak.
# Gure webgunearen erabiltzaile hutsa bazara eta hondino bezero ez bazara, on-line egiten dizkiguzun eskariak bideratzeko.
# Zure curriculumeko datuak ematen badizkiguzu edo zure curriculuma bidaltzen badiguzu, zurekin harremanetan jartzeko eta garatu genitzakeen aukeraketa-prozesuak kudeatzeko.
# Zure interesen arabera zuretzat egokiak izan litezkeen produktuak eta zerbitzuak eskaintzeko; erabiltzaile nahiz bezero moduan zure esperientzia hobetzeko; gure zerbitzuak gehiago garatzeko, pertsonalizatzeko eta hobetzeko, erabiltzaileen edo bezeroen lehentasun, esperientzia edo zailtasun arrunten edo pertsonalen arabera; profil komertziala landu ahal izango dugu emandako informazioa oinarri hartuta, baina ez dugu erabaki automatizaturik hartuko profil horretan oinarrituta.
# Bi kasuotan, zurekin harremanetan jarraitzeko eta zurekin komunikatzeko, iritzi- edo gogobetetasun-inkestak egiteko eta gure jarduerei, produktuei edota zerbitzuei buruzko informazioa zuri bidaltzeko (publizitate-mezuak eta mezu komertzialak barruan direla, informazioaren gizarteko eta merkataritza elektronikoko zerbitzuei buruzko 34/2002 Legearen 21. artikuluaren helburuetarako).

== Zenbat denboraz gordeko ditugu zure datuak? ==

Ematen dizkiguzun datuak 6 hilabetez gordeko ditugu, kontratuaren harremana amaitzen denetik hasita, bezeroen kasuan, eta datuak ezabatzea eskatzen ez diguzun bitartean, webgunearen erabiltzaile hutsa bazara. Epe hori igaro ostean ere gorde genitzake datuok, horien tratamendua lege-betekizunak betetera edota erreklamazioak egitera edota defentsara mugatuta.

== Zein da zure datuak tratatzeko legitimazioa? ==

Zure datuak tratatzeko legitimatzen gaituen oinarri juridikoa alderdien artean egindako kontratua da (merkataritzakoa, administraziokoa, lan-arlokoa, salerosketakoa, zerbitzuen prestazioari dagokiona); gaur egun bezero bazara edo bezero potentziala bazara, edota, adibidez, gure webgunearen bidez egin diguzun eskaria, webgunearen erabiltzaile hutsa bazara.

Gainera, gure bezero moduan edo webgunearen erabiltzaile moduan gurekin duzun harreman egokitik eratorria den legezko interesa ere badaukagu zure datuak tratatzeko datuen mantentze eta kudeaketaren barruan, honako helburu hauek lortzeko:

* Gure webgunearen bidez egindako eskariei erantzutea.
* Gure jarduerei, produktuei eta zerbitzuei buruzko informazioa bialdu ahal izatea zuri (publizitate-mezuak eta mezu komertzialak barruan direla, informazioaren gizarteko eta merkataritza elektronikoko zerbitzuei buruzko 34/2002 Legearen 21. artikuluaren helburuetarako), edo edozein enpresak sinatutako lankidetza-hitzarmenaren ondorio diren hirugarren erakundeei dagokiena.
* Taldeko beste enpresa batzuei zure datuak jakinaraztea, bezeroari zerbitzu osoa edo espezializatua eman ahal izateko, diziplina askotako taldeen esku-hartzea eskatzen dutenean; eta barruko administrazio-helburuetarako.
* Iritzi-inkestak, gogobetetasun-inkestak… egiteko.
* Iruzurren prebentziorako.

Helburu horiek bateragarriak dira zure datuak jasotzera eraman gintuen hasierako helburuarekin (zurekin daukagun kontaktua eta komunikazioa kudeatzea eta gure harremanari eustea); baina, dena den, aipatutako helburu horietarako zure datuak ematea borondatezkoa da beti, eta gure legezko interesaren gainetik egongo dira beti zure interesak, eskubideak eta askatasuna; beraz, zure datuak ezabatzea eskatzen badiguzu eta zure datuak helburu horietarako erabiltzeari utzi diezaiogun eskatzen badiguzu, halaxe egingo dugu; blokeatuta eduki genitzake, dena den, erreklamazioak egiteko, izapidetzeko edota defendatzeko.

Babes berezi bati lotutako datuak eman badizkiguzu, horiek tratatzeko legitimazioa zure berariazko baimena izango da. Baimen hori zure datuak bidaltzean, argitasunez ematen dizkiguzu, datuak emate edo bidaltze hori baimentzea adierazten duen baiezko ekintza argitzat hartuko delako.

== Zer hartzaileri eman ahal dizkiogu zure datuak? ==

Barruko administrazio-helburuetarako emango zaizkie datuak beste enpresa batzuei, helburu horien barruan hartuta bezeroen datu pertsonalen tratamentua.

Jakin ezazu ematen dizkiguzun datuak hirugarren erakundeei jakinarazi ahal zaizkiela, lagatzailearen eta lagapen-hartzailearen funtzio legitimoarekin zerikusi zuzena daukaten helburuak betetzeko; esaterako:

# Herri Administrazioetako erakundeei, horiei datuak jakinarazteko legezko betebeharra dagoenean (zerga-administrazioa, gizarte-segurantzako erakundeak, lan-ikuskaritzak…), notariotzei, erregistroei, mutualitateei, epaitegiei edo auzitegiei, abokatuei, prokuradoreei, perituei… Jakinarazpen hori lagatzailearen eta lagapen-hartzailearen funtzio legitimoarekin lotura zuzena daukaten helburuetarako egingo da.
# Banku-erakundeei, kobrantzak eta ordainketak kudeatzeko.
# Enpresa estatubatuarrak darabiltzagu, Microsoft, esaterako, Office eta Windows aplikazioen hornitzailea; enpresa hori aukeratu dugu, Privacy Shield akordioari atxikita dagoelako, eta horrek esan gura du bere gain hartu duela datuen babesean Europakoen baliokideak diren eskakizunak betetzeko obligazioa, hala, zure datu pertsonalen babes mailari kalterik ez eragiteko. Privacy Shield akordioa juridikoki loteslea den tresna da, EBren eta AEBren artean galdatu litekeena, eta, Europako Batzordearen iritxiz, berme egokiak eskaintzen ditu interesdunen datu pertsonalen babesean. Gura baduzu, Microsoft etxearen pribatutasun-politikara jo zenezake, haren webgunearen bidez.


Dena den, datuak babesteko politika hau onartuz, berariaz eta argi eta garbi, zure baimena ematen duzu zure datuak enpresa horri jakinarazteko, jakinik datuen nazioarteko transferentzia adierazten duela horrek, Europako Esparru Ekonomikokoa ez den herrialde batera, eta zure baimena ematen duzu, argi eta garbi, transferentzia hori egin dadin.

Sare sozialetako gure profiletan egin dituzun iruzkinak gure webgunean argitaratu ahal izango dira, bai eta iruzkin horiekin batera emandako argazkiak ere.

Erabiltzaileak hirugarrenen datu pertsonalak ematen baditu zerbitzuen onuradun izan daitezen, datuok jakinarazteko berariaz eta aurrez hirugarren horien baimena duela adierazten du, eta datu horiek gure fitxategietan sartu direla haiei jakinarazteko ardura bere gain hartzen du.

Erabiltzaileak konpromisoa hartzen du datu zehatzak, gaur egungoak eta egiazkoak sartzeko, informazioaren hartzaileei okerrik ez eginarazteko, bai eta beste erabiltzaile baten tokia ez hartzeko ere, webguneko zerbitzu edota edukietan hari dagozkion erregistro-datuak erabiliz.

Zein dira zure eskubideak zure datuak ematen dizkiguzunean?

# Datuak eskuratzeko eskubidea: zer datu pertsonal tratatzen dugun galdetu diezagukezu, eta horien kopia eskatu ere. 
# Zuzentzeko eskubidea: zehatzak ez diren datu pertsonalak zuzentzeko eskatu zeniezaguke, edo osotu ditzagun osotu beharrekoak, bai eta adierazpen gehigarria eginez ere.
# Ezabatzeko eskubidea (ahazteko eskubidea): zure datu pertsonalak ezabatzeko eskatu zeniezaguke, honako kasu hauetan: bildu zireneko helbururako beharrezkoak ez direnean, zure baimena erretiratzen duzunean, datu horiek zilegi ez den modu baten erabili direnean, edota legezko betebehar bat bete ez denean.
# Tratamentua mugatzeko eskubidea: zure datuen tratamentua mugatzea eskatu zeniezaguke, eta, kasu horretan, erreklamazioak egiteko edo defendidzeko bakarrik gordeko ditugu. 
# Datuen eramangarritasunerako eskubidea: zure datuak erabilera arrunteko eta irakurketa mekanikoko formatu egituratu batean itzultzeko eskatu zeniezaguke (zeuri edo zuk adierazitako hirugarren bati).
# Aurka egiteko eskubidea: zure datuen tratamenduaren aurka egin dezakezu, tratamendu hori fitxategiaren arduradunaren interes legitimoan oinarritzen bada edo publizitate-helburuetarako bada.


Eskubide horiek guztiak egikaritzeko, LABAYRU FUNDAZIORA jo dezakezu, sinatutako eskari idatzi baten bidez (COLON DE LARREATEGI KALEA 14, 2. ESK., 48001, BILBO, BIZKAIA), eta NANaren kopia atxikita. Zure datuetan aldaketarik badago, helbide horretan bertan jakinarazi behar duzu, eta enpresak ez du ezelako erantzukizunik edukiko, hala egiten ez baduzu.

Horietako eskaera bat jaso ostean, gehienez ere, 10 eguneko epean erantzungo dizugu.

Datuen Babeserako Espainiako Agentziaren aurrean egin zenezake erreklamazioa. Erabili zenitzaken eskubideei buruz informazio gehiago eduki gura baduzu, eta eskubide horiek erabiltzeko inprimakien ereduak eskatzeko, Datuen Babeserako Espainiako Agentziaren webgunera jo zenezake: [http://www.agpd.es/ www.agpd.es].

== Zelan lortu ditugu zure datuak? ==

LABAYRU FUNDAZIOAN tratatu ditugun datu pertsonalak interesdunagandik datoz zuzenean.
{{DISPLAYTITLE: Pribatutasun politika}}