Cambios

Senargaiaren edo emaztegaiaren etxera joandako gonbidatu eta auzokideei gosari batekin edo mokadu batekin egiten zitzaien abegi ona. Auzokideei eta gonbidatuei zeremonia baino ordu batzuk lehenago opari egiteko ohitura hori ez da galdu oraindik ere landa eremuan.

Euskal Herri penintsularrean ezkontzaren sakramentuaren ospakizuna Toledoko Eskuliburuaren errubrikari jarraituz egiten zen<ref>Toledoko Eskuliburua erabilera liturgikoko liburu bat izan zen, Toledoko apezpikutegian sortua. Latinez idatzita zegoen baina 1582ko argitalpenetik aurrera herriko hizkuntzan (gaztelaniaz) ditu fededunei eta haien erantzunei bideratutako jarraibideak. Espainiako eta Amerikako elizbarruti askok "eskuliburu" gisa hartu zuten, eta XVII. mendean Paulo V.ak 1614an, Trentoko Kontzilioaren erreforma liturgikoaren ondoren, argitaratutako Erromatar Erritualaren eranskin gisa sartu zen. Eskuliburu honen euskarazko argitalpenak erabili izan dira. Adibidez, ''Manuale Sacramentorum''. ''Euskeraz. Bateoa ta Ezkontza''. Zornotza: 1934.</ref>, eta Euskal Herri kontinentalean Erromatar Erritualari jarraituz. Bi errituen arteko desberdintasun handiena da Erromatar Erritualak ez dituela bere barruan hartzen bedeinkapena eta erresak ematea. Ezkontzaren sakramentuak hiru atal zituen: