Cambios

Kezka bakarra ez zen hazien aukeraketa; horrez gain, garrantzitsua zen hazia modu egokian gordetzea, ernamuintzeko ahalmena ez galtzeko. Eta ez bakarrik urte batetik bestera, ahal izanez gero denbora tarte luzeagoan ere bai, badaezpada ere labore bakoitzaren behar baino hazi gehiago gordetzen baitira. Horrela, urte horretan labore horrek huts egin eta hazia gordetzeko behar adinako ekoizpenik ez baldin bada lortzen, edo hazi hori akastuna baldin bada, gordetako erreserbak hurrengo urteko ereintza bermatzen du. Gerta zitekeen, halaber, ereintzak huts egitea eta berriro egin behar izatea, eta horretarako hazi nahikoa eduki behar zen.

Gariaren hazia ereintza baino lehen prestatzen zen galbekoa deritzon onddo-gaitza eragozteko. Prestaketa horri ''kareztatzea'' zeritzon.