Cambios

<languages></languages>

Gure inkesta guztietan egiaztatu da lehen harria ezarri eta bedeinkatzeko erritua lotuagoa egon dela eraikin publikoen edo garrantzi handiko obren eraikuntzarekin. Kasu horietan, ekitaldiak garrantzia bereganatzen du, pertsona ezagunek eta agintariek parte hartzen dutelako. Oro har, maila handienekoak ezartzen du lehen harria. Haren azpian, kutxa bat ezartzen da, ekitaldiaren lekukotasuna jasotzen duten dokumentuekin, legezko txanponekin eta egun horretako prentsaren aleren batekin<ref>2010eko maiatzaren 26an Bilboko San Mames futbol estadioaren lehen harria ezarri zen; haren azpian kutxa bat sartu zen, barruan honako hauek zeuzkana: orduko futbol zelaiaren soro puska bat eta palkoaren ondoko kanpoko paretako harri bat, taldearen elastiko bat eta Athleticen kirol-lagunarteen intsigniak.</ref>.

Etxe baten eraikuntza estalkia ezarrita burutzen denean –modu herrikoian esanda, ''“cuando se echa el tejado”'', hau da, “teilatua egiten denean”–, fatxadako etxe-bizkarrean edo ''gailurrean'' adar bat, lore sorta bat edo bandera bat ezartzen da. Ezarpen hori etxe-jabeak ordaindutako bazkari edo afari batekin lotuta dago beti, zeinean eraikuntzan parte hartu dutenak diren bazkaltiar edo afaltiar. Ohitura hori Euskal Herri osoan dago zabalduta.