Cambios

Ukuiluetako zorua zapaldutako lurrezkoa izaten zen, eta garoz, lastoz edo belar idorrez estaltzen zen eskuarki. Prozesu horri ''azpiak egin'' deitzen zioten Beasainen (G), Aiurian eta Ajangizen (B) ''azpigarria bota'', eta Apodakan eta Urkabustaizen (A) ''cambiar la cama ''edo ''echar la cama''; prozesu horrek lehor mantentzen zuen azienda zegoen zorua, eta simaurra metatzea eta jasotzea errazten zuen, baita gorotzak eta gernuak hartzitzea ere. Larraunen (N) ''kamaiña'' deitzen diote ohe horri.

XX. mendearen azken hamarkadetan soilik, ustiaketa intentsiboak hala eskatzen zuelako seguru asko, nabe handiagoak eta hobeto hornituak eraikitzen hasi ziren, etxeetatik urrun kokatuak gainera.