Cambios

<div style="margin-left:0cm;"></div>

Gurasoek eta senitartekoek etxeko haur txikiarekin duten harremana tonu ludikoan garatzen da eskuarki; egiten zaizkion laztanak, haren aurrean egiten diren bakarrizketak eta imintzioak, hura kulunkatzeko egiten diren mugimenduak eta hura harritzeko egiten diren txantxa txikiak, denak ere jolas txikiak dira, haren arreta kitzikatzeko, hura lehen hitzak esatera bultzatzeko, hari eskuak eta oinak mugiarazteko eta, batez ere, hari pozik barre eginarazteko. Nagusiak haurrarentzat egindako ekintza horietako gehienak formulaz edo kantu txikiz lagunduta daude.

Horien sailkapena egitean, kontuan hartu da kantak garatzen duen gai nagusia. Nolanahi ere, ez da ahaztu behar amak, edo haren ordezkoak, era guztietako kantak kantatzen dizkiola haurrari, hitzak egokituz, berezko sehaska kantak ez baldin badira, sehaska kanten tonura eta doinura.

{{DISPLAYTITLE: I. LEHEN ADINERAKO JOLASAK ETA KANTAK}} {{#bookTitle:Haur Jolasak Euskal Herrian|Juegos_infantiles_en_vasconia/eu}}