Cambios

Kapitulu honetan, gure herrietako nekazariek oso antzinatik eutsitako eta praktikatutako errituak, ohiturak eta sinesmenak jasotzen dira. Praktika horietako batzuk antzinako moldekoak dira, eta ekintza magikoen eitea daukate. Beste batzuk kristauen egutegiaren eta liturgiaren bermea izan dute, eta mende askoan zehar nahitaez kultura ondaretzat jo behar dugun kultura bateko parte izan dira. Sinesmen eta praktika horietako asko galtzen ari dira, baina egiazta dezakegu erregistratu egin zirela, duela hamarkada gutxi, artean ere indar betean zeudenean<ref>Gurutzi ARREGI. ''Ermitas de Bizkaia. ''. Bilbo: 1987, 3 liburuki eta ''Origen y significación de las ermitas de Bizkaia. ''. Bilbo: 1999.</ref>.

Gurutze Santuaren Asmakizunaren jaieguna, maiatzaren 3a, zen datarik seinalatuena udaberriko ereintzen bedeinkapenen egutegian, eta landetan gurutze bedeinkatuak ezartzen ziren<ref>ETNIKER EUSKALERRIA. ''Casa y Familia en Vasconia.'' . Atlas Etnográfico de Vasconia = Euskalerriko Atlas Etnografikoa = Atlas Etnographique Ethnographique du Pays Basque. I eta II. liburukiak. Bilbo: Etniker Euskalerria; [Gasteiz]: Eusko Jaurlaritza; [Iruñea]: Nafarroako Gobernua-Bilbo: Labayru Ikastegia, 2011, 735-754. or.</ref>.