Cambios

Haurren gizartea, nagusiena bezala, gorputz antolatua da, beraz. Haren jardueren artean leku garrantzitsua dute formula erritualek, ondoren jasotako hauek adibidez.

Haur batek objektu bat jasotzen baldin badu beste batek emana, eta gero eman dionak eskatzen baldin badio, formula bat errezitatuz erantzuten dio; horren bertsiorik laburrena Pipaónen (A), Barakaldon, Durangon, Getxon, Trapagaranen (B) eta Zangozan (N) jaso da, eta honela dio:

:(“Santa Rita, Rita, emandakoa ez da kentzen.”)

Haur batek objektu bat aurkitzen duenean eta bere lagunetako batena delako susmoa duenean, goraki ematen du aurkikuntzaren berri, zehaztu gabe zein den objektua. Aldarri horretarako erabilitako formula, aldaketa txikiekin jasoa Apilaizen, Agurainen (A), Durangon, Getxon, Trapagaranen (B), Allon, Artaxoan eta Tuteran (N), honako hau da:

Aldarri horiek entzutean, taldeko kide bakoitzak bere patrikak miatzen ditu objektua berarena den egiaztatzeko. Inor ez baldin bada objektua falta dela ohartu, hura aurkitu zuenak berarentzat hartuko du, eta lau edo bost aldarriren ondoren ezin da jada erreklamatu.

Haurren arteko adiskidetasunaren hausturak ere bere erritualizazioa dauka.

Ondoren, biek buelta emango dute eta bakoitza bere bidetik joango da.

Haurtzaroan, haurrak batez ere arau batzuei jarraituz jokatzen ikasten du. Jolasak zozketa baten bidez hasten dira; paperak banatzen dira eta parte hartzeko ordena ezartzen da. Aintzat hartu behar duten lehen lezioa da egokitzen zaien zortearen onarpena.

Eskuarki, parte-hartzaileetako batek arau horietako bat urratu dela uste duenean honako hau oihukatuz adierazten du desadostasuna: ''«arrenuncio»''.

Eskuarki haurrak lehen urteetatik erakusten du soziabilitaterako joera, eta ikaskide eta lagunekin era askotako harremanak sortzen dira. Horietako batzuek jolasei dagozkie, baina gehienak elkarbizitzaren arlo guztietan aplikatzen dira.